ដឹង​ទេ​ថា Windows 8 និង 10 ក៏​មាន​ទីផ្សារ​សម្រាប់​ទាញ​យក​ ហ្គេម-កម្មវិធី ជា​ច្រើន មិន​ចាញ់​ទូរស័ព្ទ​នោះទេ

Microsoft បានធ្វើការកែច្នៃ ប្រព័ន្ធប្រតិបត្តិការណ៍ Windows របស់ខ្លួន ជាច្រើនចំណុច ដើម្បីធ្វើអោយងាយ ស្រួលប្រើ និងសាមញ្ញ ជាងមុន ពោលស្រដៀង ទៅនឹង ទូរស័ព្ទ និងថេប្លេតដែរ។ មានអ្នក ប្រើប្រាស់ខ្លះ ពេញចិត្ត តែអ្នកប្រើប្រាស់ ផ្សេងទៀត មិនសូវ ពេញចិត្ត នោះទេ ទៅនឹងកំណែ អាប់ដេត ថ្មីៗទាំងនេះ ព្រោះអីវាខុសគ្នា ច្រើនពេក ប្រៀបធៀប ទៅនឹង ប្រព័ន្ធប្រតិបត្តិការណ៍ Windows មុនៗ។ យ៉ាងណាមិញ មុខងារ ពិសេសមួយ ដែលអ្នក ប្រើប្រាស់ជា ច្រើននោះ ពេញចិត្តនោះ គឺវាមាន Stores ដែលអាច អោយយើង ទាញយកហ្គេម និងកម្មវិធីមក ប្រើប្រាស់ មិនអោយចាញ់ ស្មាតហ្វូន រឺក៏ថេប្លេតយើង នោះទេ។ នេះមានន័យថា មានកុំព្យូទ័រ ដែលប្រើ Windows 8, 8.1 រឺ 10 មួយគ្រឿង គឺអាចប្រើទាំងធ្វើ កិច្ចការងារ និងដើម្បី កំសាន្ត។

ប្រសិនបើអ្នកបើក កម្មវិធី Store ដែលមាន នៅក្នុង Start Menu ឡើង យើងនឹងចូល ទៅកាន់ ទីផ្សារទាញយក កម្មវិធីហ្គេម និងកម្មវិធី ដែលទីនោះ គឺមានច្រើន គួរសមដែរ មិនចាញ់ទូរស័ព្ទ Windows Phone នោះទេ។ ទីនោះ មានហ្គេម ខ្លះលក់ ខ្លះមិនគិតថ្លៃ ហើយពួកវា អាចដំណើរការ បានរលូន ខ្លាំងណាស់ ពោលងាយ ស្រួលលេង ជាងនៅទូរស័ព្ទ និងថេប្លេត ទៅទៀត។ លើសពី នេះទៀត យើងក៏អាចត ជាមួយ ដៃហ្គេម Xbox ផងដែរ ដើម្បីបញ្ជាលេង ប្រសិនបើ យើងមិនចង់ ចុចប៊ូតុង រឺប៉ះអេក្រង់។

ដើម្បីលេងហ្គេមទាំងនេះបាន វាគឺមិនទាមទារ អោយកុំព្យូទ័រអ្នក អោយមាន ម៉ាស៊ីនខ្លាំងក្លា ដូចពពួក កុំព្យូទ័រ Gamer នោះទេ ព្រោះអីហ្គេម និងកម្មវិធី ទាំងនេះ គឺប្រើប្រាស់ វិស្វកម្មដូច ទៅនឹងហ្គេម ទូរស័ព្ទដែរ។ កុំព្យូទ័រមាន រ៉េមត្រឹម 2GB និង CPU Dual-core ចាប់ពី 1.4 GHz ឡើងទៅ គឺគ្រប់គ្រាន់ហើយ តែបើខ្លាំង ជាងនេះ ក៏ល្អដែរ ព្រោះអីអាច ដំណើរការ បានស្រួល។ ទន្ទឹមនឹងនេះ វាក៏ត្រូវការ គណនី Microsoft មួយផងដែរ ហើយអ្នក ទាំងអស់គ្នា ​អាចបង្កើតបាន ដោយស្រួល និងខ្លួនឯងតាម រយៈទីនេះ ។

ប្រសិនបើអ្នក កំពុងតែប្រើប្រាស់កុំព្យូទ័រ ដែលដំណើរការដោយ Windows 8, 8.1 និង Windows 10 នោះ សូមកុំភ្លេច សាកល្បង ទាញយកកម្មវិធី និងហ្គេម ចេញពី Store ហើយយើងមក លេងផង ដើម្បីដឹងថា វាងាយស្រួល និងមានភាព រលូនយ៉ាង ណានោះ។


****សូមចុចនៅទីនេះ​ដើម្បី Subscribe YouTube Channel របស់ The Mix ដើម្បីទទួលបានវីដេអូថ្មីៗ!!!

• Tweet
• Share
• Share
• Share
• Share